إنزال امني و حملة واسعة من طرف الشرطة على محلات درب غلف فكازا لحجر سلسة من هواتف OPPO..
السبب، إصدار جديد لشركة “اوبو” قبل شهر خرج يتباع في أوروبا لكن بطريقة ما السلعة دخلت للمغرب بسرعة و بكمية كبيرة باقا بكارطونتها لكن مشفورة و حيت المغاربة عزيز عليهم الهوتف لقاو الثمن طايح كلشي شرا كمية كبيرة ، السوق المغربية اغرقت بهاد السيري جديدة بثمن طايح بزاف..
تقريباً طايح بنسبة 50% في المغرب على الثمن لي خص تبيع بيه الشركة بالجملة. التلفون داير شي 4200 درهم هما شراوه تقريباً ب2000 درهم.
الشركة مابقاش كيتباع ليها المنتوج لانه كاين في السوق بنص الثمن و بعد التحريات لقات المنتوج سرح فالاسواق ، شي 2 مليار سنتيم ديال السلعة لي مشفورة من الشركة.
وصلت القضية للأمن في فرنسا لقاو شبكة إجرامية لي سرقت و من اوروبا و هي هابطة تا وصلو لدرب غلف و بدات السلعة تجمع من التجار و فتح تحقيق يعرفو منين جا هادشي و كيفاش دخل المغرب و لي حصل يودي.
تلقاو شاريين سلع بدون فواتير و بداو يحتجو و يحيدو البانوات لمقاطعة الشركة قاليك ما شركة ما بيكالة حنا درنا معاها زوين كنا نشكروها للناس و هي غا خردة …
المهم المخير تكون مشات ليه شي 4 المليون سنتيم ديال سلعة ?